Plantun de Prouvènço

Pèr coumpara dos planto d'encò nostre

Equisetum arvense & Atocion rupestre

Co-de-mandro

Equisetum arvense

Equisetaceae

Àutri noum : Coussaudo, Coua-de-cavau, Counsòudo, Couëto, Couëto-de-rat.

Noms en français : Prêle des champs, Queue-de-cheval.

Descripcioun :
Fai dos meno de tijo. A la fin de l'ivèr, n'en fai sènso clouroufilo que porto d'espigo de 1,5 à 5 cm, pièi au mitan de la primo, trachisson li cambo esterlo, primo e boutisso, emé de ramo verticillado. Pèr la destria de Equisetum sylvaticum fau regarda li guèno que dèvon èstre à dènt negro emé quàsi pas de bord blanc. Li ramo soun emé quatre costo prefoundo e lou proumié tros dèu èstre mai long que la guèno.

Usanço :
Soun li mémis usanço pèr la veisselo que la counsòudo, Equisetum ramosissimum. Èi vertuouso pèr ajuda à pissa, pèr apasima li moureno e lucha contro li mau d'os (principe di signaturo : li tros di ramo s'embouiton coume lis os).

Port : Aubret
Taio : 15 à 70 cm
Fueio : ges
Tipe bioulougico : Geoufite
Cicle bioulougico : Planto renadivo

Gènre : Equisetum
Famiho : Equisetaceae

Ordre : Equisetales

Coulour de la flour : Ges de flour
Petalo : ges
Ø (o loungour) enflourejado : 1,5 à 5 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mars à mai

Liò : Ribiero - Prado umido - Palun - Ermas
Estànci : Coulinen à Subaupen
Couroulougi : Bourealo
Ref. sc. : Equisetum arvense L., 1753

Empeganto(-roucassiero)

Atocion rupestre

Caryophyllaceae

Nom en français : Silène des rochers.

Descripcioun :
Aquesto empeganto dóu gènre Atocion (empeganto sènso péu e verdalo en "cimo biparo laco") trachis dins li roucas, lis esboudèu e li pelouso d'auto mountagno. Li fueio, óupousado, soun en lanço e pulèu pichoto. Li petalo blanco fan de 2 à 4 mm emé dous lobo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Atocion
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 0,6 à 1,0 cm
Flourido : Printèms - Estiéu

Sòu : Si
Autour basso e auto : 600 à 2800 m
Aparado : Noun
Jun à setèmbre

Liò : Roucas - Esboudèu - Pelouso sablouso
Estànci : Mountagnard à Aupen
Couroulougi : Artico-Aupenco
Ref. sc. : Atocion rupestre (L.) B.Oxelman (= Silene rupestre L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Equisetum arvense & Atocion rupestre

Coumpara Co-de-mandro emé uno autro planto

Coumpara Empeganto(-roucassiero) emé uno autro planto